陣容狂想曲: Winning Eleven 2002 (PS1) 想當年 (2)

唔知點解，有一日忽然覺得:「嘩! 用嚟用去都係呢啲人，好悶呀，搞吓新意思先」，咁就整咗隊亞洲最強隊。其實所謂的「亞洲最強隊」，其實主要係日韓聯隊。

我承認，當時睇數據，覺得中國球員好「渣」，所以對他們無好感。反而日、韓則有不少球員外出搵食，所以隊中大多是日韓球員。

點知佢地一見到我嘔心瀝血組成的「亞洲最強隊」，即刻一句:「X!呢隊咩嚟架!」我唔能夠忍受朋友對我呢隊亞洲最強隊」的侮辱，即刻挑機，結果......

中山雅史崔龍洙

中村俊輔稻本潤一中田英壽小野伸二

李榮杓洪明甫森岡龍三孫繼海

川口能活

後備:

江津

范志毅

松田直樹

中田浩二

李鐵

祁宏

朴智星

安貞煥

薜琦鉉

高原直泰

鈴木隆行

老實講，除了日本隊的高原直泰、中田英壽和中村俊輔等的數值較突出外，大家的數值差唔多，都是15、16左右，用落去分別不大，用球員主要都係睇鍾唔鍾意球員。

當時最出名算是「日本黃金四中場」，所以中場唔洗諗，就擺嗰4個，而2002世界盃後，朴智星及李榮杓轉會至PSV，但由於WE2002中2人的數值都麻麻地，所以只將李榮杓放在左閘位。而李鐵因為效力愛華頓，所以都入選。

至於前鋒，正選選擇了中山雅史同崔龍洙的原因，主要是因為當時我受到雜誌的影響，我當時星期日無嘢做，好喜歡到中央圖書館一路嘆冷氣一路睇一啲舊足球雜誌，例如奪標，睇到1998世界盃介紹中山雅史同崔龍洙，覺得唔錯，咁就用咗。一講起「亞洲最強隊」，佢地一定記得中山雅史搭崔龍洙，因為佢地唔知係乜水。原來，中山雅史在GBA的Winning Eleven 中，數值是不同的，比起PS1 Winning 勁好多!

聽朋友講，原來在Winning Eleven 2000，亞洲隊的數值較好，想用的話可以玩呢集。於是我又在Winning Eleven 2000整了「亞洲最強隊」。